To Go or not TOGO (to CAN 2010)...that's the question

نتصور برشة ناس سمعوا بالفيلم الجديد متاع محمد علي النهدي:المشروع.المخرج اللي عمل حاجة جديدة عالسينما التونسية وقرر يبعث مسالك التوزيع الكلاسيكية الكل تشيت وحط الفيلم ''آوپن شارينڨ'' عالميڨآوپلاود....يعني تنجموا اتيليشارجيوه وضميركم مايأنبكمش.
كليمة عالشريط وكان بودي أني نطول عليه شوية الحديث لكن وراس الحنينة مزرروب لوماكسييموووو

فيلم ممتاز جدا...أقل مايقال عنه أنه ممتاز...واقعية ماغير إيديولوجيا ولا لوغة مضروبة متاع النوري بوزيد.ممثل دلول...مشاهد يومية تجمع بين درامية الموقف و سخرية القدر.كانو ينجموا ينحيوا البيپ في بلاصة الكلام الزايد خاطر مانتصورش انو كلمة ''يمشي كذا وشي '' تفوت برشة كلمة ''الطحان '' اللي خلاوها وماقصوهاش.

جريدة لاپريس اليوم تمدنا بخبر أقل مايقال عنه انه يكفِّر ويخرج الإنسان من صينتو:

Pour l’édition angolaise, la chaîne publique tunisienne est en pourparlers avec Al Jazeera, nouveau détenteur des droits TV de la CAN. A quelque 12 jours du coup d’envoi de la grande compétition africaine, les négociations coincent, d’autant que la chaîne Al Jazeera a placé la barre trop haut. On parle d’un montant astronomique de 10 millions de dollars (environ 14 millions de dinars) pour un package de 10 matches seulement sur le réseau terrestre. C’est le montant le plus cher de l’histoire de la CAN. Il est 7 fois supérieur à celui exigé par ART (1,5 Million) pour la précédente édition au Ghana. Le package comprend les trois matches du premier tour de l’équipe de Tunisie, l’ouverture de la CAN, 2 chocs du premier tour, un quart de finale, les deux demi-finales et la finale

يادين الرررررررررررررب....14 كنتولة على عشرة ماتشوات وبعد يجي توفيق العبيدي يعلق عليهم...تي بالحرام انا واحد مالناس نتفرج في تل ابيب تي في ومانقعدش لهاك اللكزة.توا صراحة كان نعملو استفتاء:اشكون تخير يعلق على ماتشوات تونس :عصام الشوالي ولا توفيق العبيدي؟؟؟ ولو أنو هاك المعصاب الاخر يطلع الدم..وحتى ماتش بين سهم الفحص وغزال المظيلة يعمل منو قاوق...وانجموا حتى نمددوا فالاستفتاء:على اناهي قناة بش تتفرج فالكان ؟؟؟ أكيد وأكيد انو حتى حد(على الاقل مالناس اللي نعرفهم انا) لاهو بش يتفرج فالدار خاصة في ماتشوات تونس.
توا معناها وفاو الاستثمارات مالبلاد بش نحطوا فلوسنا(بالطبيعة مانتصورش انو الجزيرة تخلص بالدينار التونسي ولا حتى بتيكيات المطاعم لذا فانو الضرر مزدوج) في 10 ماتشوات وكان جا حتى فما أمل أنو منتخب بزاوش قرطاج بش يعملو حاجة.
كيما يقول خونا خلاد حسني:كفانا ياأخي كفانا من المهازل..كفانا كفآآآآآآآآانآآآ

تلبية لرغبة بعض الأصدقاء وقراء ماتجود به ڨريحتي من هراء حبيت نلوح كليمة نتمنالكم بيها عام سعيد 2010 الكلو صحة وخير وسعادة الخ الخ من العبارات الپريت ـ آ ـ إيتليزي '' لكن أكثر مانتمناه للجميع هو المزيد من الحب والحنان والدفاء والتدحنيس خاصة في هالسقنطري.مع أملي بوضع وطني فيه أكثر حرية وأقل لغة خشبية وپروپغندا بودورو وكل مالف حول ذلك من منتوجات الدقيق بكل أنواعها.
بالطبيعة زادة غيابي يمكن يزيد يطول خاصة وأنو البر هذاع امساط وولى الانسان كي يحل التي ان بلوغز كاينو حل الحرية ولا الصفحة الاولى متاع لاپراس...وهو مانتصور اللي خلى برشة ناس(كيفي انا مثلا) هجروا التدوين...بالاضافة الى بعض التقيّحات النفسية متاع كمشة شلايك نهار كامل قدام الپي سي وكي تفد تكونكتي شوية فالحياة الحقيقية تصقصي عالناس اشتعمل واشتخدم واشتصور.
للأسف الغياب متاعي بش يزيد يطول هذا إذا موش ماعادش بش نكتب بالكل ولو فما برشة مواضيع تغريني الكتابة عنها.خاصة كي يتحفنا مدون شاب كيما السيد حميدة بن جمعة بنظرية ''ماكينات الصابون'' حاجة ليكس.
فانتظار ذلك نخليكم مع الشاب صليح غناية عالمية في سبيل العروبة ومناهضة الرأسمالية الأمريكوصهيونية والنظام العالمي الجديد:البيرة عربية والوسكي ڨاوري.

-

-

ايا صحة شريبتكم.
اليوم فالفايسبوك جاني تعليق كايبو ميشو وككل.ولو كوني مانيش من هواة التنسنيس والتبتبيت وخليت الحكايات هذي للمرضى النفسيين اللي تبارك الله منتشرين كالبطاطا او بالأحرى كبياعة الملسوقة العربي.

ماعينيش نطول فالميضوع خاطر الحال رمضان وقريب نڨلب ومازال عندي برشة ناس ماشفتهاش وبرشة حوايج ماعملتهاش خاصة.
لكن المفيد والاهم...كوني نحس ببرشة سعادة وفخر كي عباد مرضى كيفن هكا مركبلهم البوصفير فالكبدة ومطير على والديهم النوم.هاو نخليكم مع امثلة حية متاع كيفاش الفيروس الاخواني كي تزيد تركبلو خمسين كوش متاع كبت و 30 سنة عقد نفسية اشيعطيوا.
ولو كوني مانيش من هواة قص ولصق الحوارات الفايسبوكية والتدوينية والافتراضية عموما والطرق البوليسية الناتنة وكلام القحاب في ظهورات العباد لكن الحالة هذي تستوجب التوقف والاستثناء.